• Têketin
  • Bibe Nivîskar
  • Ziman
Heger ev ne fen e, ev çi ben e

Heger ev ne fen e, ev çi ben e


nivîskar: Devliken Kelogirî
barkirin: Gulan 6, 2018, 10:01


Yan di stratejiyê de şaşiyek heye yan ev stratejî stratejiyeke şeytanî ye.‬
‪Nizanim, hezar dek û dolab tên aqilê meriv.‬
‪Çima weha difikirim?‬
‪Îhtimala ku namzedê serokomariyê yê HDPê bibe serokomar, heger ne di bin "0"ê re be, ne di ser "0"ê re ye jî.‬
‪Lê îhtimala ku namzedên parlamenteriyê yên HDPê bibin parlamenter zêde ye.‬
‪Çima Selo nekirin bernamzed ji bo parlamenteriyê, lê kirin namzedê serokomariyê?‬
‪Heger dilê we bi ser Selo ve ye, çima we ev kir?‬
‪"Heger ne fen e, ev çi ben e?" ji qewla bav û kalan.‬
‪Êdî meriv hew zane wê ji çi bawer bike.‬
‪Komplo...‬
‪Teorî...‬
‪Tirk...‬
‪Çep...‬
‪Çepîtî...‬
‪Gelo van bêbavên tirkperest bi zaneyî Selo avêtin nav lepên gur û çeqel û roviyan an xwestin Selo têkeve rojevê û mîna kelemekî di çavên wan re here?‬
‪Her çi be jî bû û derbas bû.‬
‪Li ser dijminatiya partiyên tirk û li ser bêbextiya bêbextên di nav kurdan de, êdî ji bo Selo divê herkes dev ji her teoriyê berde û bi destek û piştgiriyeke mezin di dil û mejiyê neyarên xwe de biteqe da heger komployeke şeytanî hebe jî bi wê destek û piştgiriyê ew komplo pûç bibe.‬
‪Bi salan e ev bêbav me dixapînin û em êdî hîn bûn.‬
‪Lê hînbûn her tim ne xûyeke baş e. ‬
‪Hînbûn pirê caran nahêle meriv ji qalibên kurmî rizgar bibe.‬
‪Loma jî divê êdî em nebêjin, "de tişt nabe, ji xwe halê me her ev hal e, emrê me ji Xwedê re."‬
‪Divê êdî em vî halê xwe jî, vî aqlê xwe jî biguherin û hew bi lîstik mîstikên dijmin bixapin.‬
‪Madem Selo avêtin nav êgir, de werin ji êgir re avê bikşînin bi dilê xwe.

dîtin: 250

Pêveker:

selahaddin hdp ben fen devliken